Frore Sardu

Fiore sardo e stampo in legno di Gavoi. Foto di Renato Brotzu, da Sardegna

Su Fiore Sardu est cunsideradu su prus antigu intre sos casos de s'Ìsula: sas tècnicas suas de traballadura artesanale sunt giai descritas in su sèculu IV p.C. de s'agrònomu latinu Pallàdiu Rutilio Tauro Emiliano. Casu ovinu pro primore de sa Sardigna interna, est difùndidu in modu parìvile in totu sa Barbàgia.
Est unu casu a pasta tosta e crua, prodùidu petzi cun late intreu, friscu e cruu de berbeghe de ratza sarda, gheladu cun càgiu in pasta de angione o de capretto. Sas formas, modelladas a manu cun apòsitos istampos, presentant su caraterìsticu iscurtzu «a ischina de mulu». A pustis de sa marchiatura a s'orìgine e una pàsida in salamoia, sunt sutapostas a una lèbia affumicatura e duncas istasionades in ambientes friscos comente a sas cantinas.
Sa crosta vària de su grogu càrrigu a su marrone iscuru, sa pasta de su biancu a su grogu paglierino. Su sabore, detzisu, si faghet prus picante cun sa crèschida: de primore de tàula si consumadu giòvanu, òtimu de grattugia si istasionadu.
Su nùmene derivat de sos antigos istampos in linna de castagno subra de su cale fundu fiat isculpidu unu frore, a s'ispissu acumpangiadu dae sas initziales de su produtore, chi s'imprimiat subra de sas caras de sas formas. Tzitadu in sa Cunventzione de Stresa de su 1951, reconnotu Denominatzione Tìpica in su 1955 e de Orìgine in su 1974, su Fiore Sardu at otentu sa Denominatzione de Orìgine Amparada in su 1996 (Reg. NCHE n. 1107/96); est tuteladu dae unu Cunsòrtziu cun sede in Gavoi e de unu Presìdio Slow Food.

Bibliografia
Formaggi di Sardegna, a cura di M. Venusti. Regione Autonoma della Sardegna – Agenzia Laore, 2010, p. 15.
Formaggio e pastoralismo in Sardegna. Storia, cultura, tradizione e innovazione. Nuoro, Ilisso, 2015.
A. Guigoni, Il formaggio nei presidi Slow Food: marchi di qualità, in Formaggio e pastoralismo in Sardegna. Storia, cultura, tradizione e innovazione. Nuoro, Ilisso, 2015, pp. 653-664.
G. Murru Corriga, Dall’ovile al museo. Tecniche e strumenti della caseificazione tradizionale in Sardegna, in Formaggio e pastoralismo in Sardegna. Storia, cultura, tradizione e innovazione. Nuoro, Ilisso, 2015, pp. 665-692.
A. Pirisi, I formaggi tradizionali e a Denominazione di Origine Protetta, in Formaggio e pastoralismo in Sardegna. Storia, cultura, tradizione e innovazione. Nuoro, Ilisso, 2015, pp. 199-262.
P.G. Spanu, Dall’età fenicio-punica all’Alto Medioevo, in Formaggio e pastoralismo in Sardegna. Storia, cultura, tradizione e innovazione. Nuoro, Ilisso, 2015, pp. 29-40.
Regione Autonoma della Sardegna, Elenco dei Prodotti Agroalimentari Tradizionali (PAT), 2025.